O‘zbekiston futbol assotsiatsiyasi (O‘FA) qoshida Futbol hakamlari akademiyasi tashkil etiladi. Akademiya xalqaro tajriba asosida faoliyat yuritib, yosh hakamlarga professional bilim va ko‘nikmalar berish hamda hakamlik sifatini oshirishga xizmat qiladi.
Bu akademiyaga futbolchilik faoliyatini yakunlagan, jismonan yetuk, futbol bo‘yicha bilim va chet tillarini biladigan yoshlar jalb etiladi. Mashg‘ulotlar tajribali referilar, FIFA instruktorlari va ustoz-murabbiylar tomonidan olib boriladi.
